حبيت نكتب شي حروف ف بالي
ياللي راك ديما فيه يا غالي
نعبر ونكتب اجمل قصيدة
ندعيلك فيها ب صحة جديدة
انت منبع الحب والامل
انت الشوق انت الحنان
ندعي ونطلب العالي المنان
يحفظك ويشفيك من كل لسقام
انت بداية لحكاية
انت نور طريقي وانا غير خيالك
منك تعلمت نروي الرواية
نسردها نحبكها كيف الحجاية
ومرة مرة نحكيهالك
منك خديت حلاوة الكلام
منك تعلمت ب لبسمة نرد السلام
عزيز عليا وغالي وحبك يلهمني الهام
ساكن قلبي وخيالي سنين واعوام
انت حكايتي وكتابي
ديما نلقاك ف جنابي
يا أعز إنسان يا أبي
أمينةبنونة
