ﺍﻟﺠﻬﻞ ﻭﺍﻷﻣﻴﺔ ﻋﻠﻰ كل شكال
ﻭﻟﻔﻘﺮ ﻣﻔﺮﺥ ﺏ ﻭﻻﺩﻭ
ﺗﻐﻴﻴﺮ ﺍﻟﺤﺎﻝ ﺍﺻﺒﺢ ﻣﻮﺣﺎﻝ
ﻭﻟﻔﺴﺎﺩ ﻫنا دق ﻭﺗﺎﺩﻭ
ﻣﺎﺩﺍﻡ ﺍﻟﺼﻮﺕ ﻳﺘﺒﺎﻉ ﺑﺎلمال
ﺍﺻﺤﺎﺏ ﺍﻟﺸﻜﺎرة هما اﺳيادو
ﻓﻴﻦ ﺍﻟﻀﻤﻴﺮ ﻓﻴﻦ ﻟﻌﻘﺎﻝ
ﻭﻻ ﻫﺰﻭ ﺭﺍﺳﻬﻮﻡ ﺯﺍﺩﻭ
ﻭﺁﺵ ﻟﻤﺪﻳﻨﺔ ﻣﺎ ﻓﻴﻬﺎ ﺭﺟﺎﻝ
ﻭﻻ ﺭﺟﺎﻟﻬﺎ ﻣﺎﺗﻮ ﻭﺑﺎﺩﻭ
ﺍﻟﻠﻲ ﺳﻜﺘﻮ ﺭﺍﺿﻴﻴﻦ ﺏ ﻟﺠﻬﺎل
هوما الحكام ﻫﻮﻣﺎ ﺳﺎدو
ﻳﺎﺧﺴﺎﺭﺓ ﻭﻋﺎﺭ ﻑ ﻫﺎﺫ ﺍﻟﺒﻼﺩ
ﺳﻜﺎﻧﻬﺎ ﻳﺘﺒﻌﻮﻝ ﻟﺠﻬﺎﻝ
ﻓﻴﻦ ﺗﺎﺭﻳﺨﻨﺎ ﻭﻓﻴﻦ ﻟﺠﻬﺎﺩ
ﻓﻴﻦ ﺍﻟﺼﻤﻮﺩ ﻓﻴﻦ ﺍﻟﻨﻀﺎﻝ
ﻣﻦ ﺣﻘﻨﺎ ﻟﻴﻮﻡ ﻧﺸﻬﺮﻭ ﻟﺤﺪﺍﺩ
ﻭﻧﺴﻜﺘﻮ ﻡ ﻟﻘﻴﻞ ﻭﻟﻘﺎﻝ
ﺍﻷﻣﻴﺔ ﺗﻤﻜﻨﺖ ﻣﻦ ﺍﻟﻌﺒﺎﺩ
ﻭﺍﻟﻠﻲ ﻗﺎﺭﻱ ﺷﺪ ﺍﻟﺮﺣﺎﻝ
ﻫﺎﺫ ﻟﻤﺪﻳﻨﺔ ﺣﺎﻟﻬﺎ ﻳﺒﻜﻲ
ﺷﺒﺎﺑﻬﺎ ﻋﺎﻃﻞ ﻭﻣﺘﻜﻲ
ﺍﻟﺘﻬﻤﻴﺶ ﻭﻟﻬﺸﺎﺷﺔ ﺑﻼ ﺗﻌﻠﻴﻞ
ﻭﺍﻟﺴﻴﺒﺔ ﻓﻴﻬﺎ ﻧﻬﺎﺭ ﻭﻟﻴﻞ
ﺷﺤﺎﻝ ﻣﻦ ﻭﺍﺣﺪ ﻓﻴﻬﺎ ﻳﺨﺮﺏ
ﻳﻘﻴﻞ ﻳﺸﺮﻕ ﻭﻳﻐﺮﺏ
ﺍﻟﺴﻴﺎﺳﺔ ﻧﻘﺎﺵ ﻭﺗﺤﻠﻴﻞ
ﻭﺳﺪﻳﺪ ﺍﻟﺮﺃﻱ ﻟﻴﻪ ﺍﻟﺘﻔﻀﻴﻞ
ﺍﻟﻠﻲ ﻳﺨﻠﻲ ﻟﻌﺪﻭ ﻟﻴﻪ ﻳﻤﻴﻞ
ﻣﺎﻫﻴﺎﺷﻲ ﺳﺐ ﻭﺗﻨﻜﻴﻞ
ﻓﺎﺕ ﺍﻟﻔﻮﺕ ﻭﺑﺎﻥ ﺍﻟﺒﺮﻫﺎﻥ
ﺃﻣﺎﻟﻨﺎ ﻳﻐﻴﺮﻫﻡ ﺍﻟﺰﻣﺎﻥ
ﻳﺎﺧﺴﺎﺭﺓ ﻭﻣﺎﺑﻘﺎ ﻣﺎﻳﺘﻘﺎﻝ
أمينة بنونة
لامست الحقيقة وحركت الجراح استاذة امينة زجلية منقوشة بمداد محبتك وغيرتك على مدينة قدر عليها ان تبقى منسية مهمشة تحية لك ولحرفك الجميل