وَلْدْ الشَّكْلاَطْ

وَحِيَّانِي يَا وْلاَدْ
حَيّْرَتْنِي هَاذْ لَبْلاَدْ
مَالْهَا مَا بْغَاتْ تْكَادْ ؟
الدَّرِّي مَنْ صَغْرُو تْزَادْ
وَمْعَاهْ الشَّكْلاَطْ
حِيثْ بَّاهْ وْزِيرْ
فْ مْدِينْةْ الرّْبَاطْ
**********
ثْلاَثَة كِيلُو وْنَصّْ
كُلّْهَا شُكْلاَطْ
خَلِّيوْ الدَّرِي يْمَصّْ
يْكَرَّجْ مَا يَكْلَصْ
بَاشْ ضَغْيَا يَنْعَسْ
وَحْنَا تَحْتْ الصَّبَّاطْ
وَلْمِيزَانِيَّة فْ الضَّصْ
*********
27 أَلَفْ دَرْهَمْ
كُلْهَا حَلْوَى
وَحْنَا نْفَطْرُو بِالْهَمّْ
وَنْكَمّْلُو بِالرَّشْوَة
مِيمْتِي مِينْ نَبْدَا
كُلّْ شِي فِينَا يَنْهَبْ
عْطَاوْهَ كَاسْ الْفَضَّة
مَنْ مِيزَانِيَةْ الشَّعْبْ
حْرُوفِي شْحَالْ بْكَاتْ
هَكْذَا تْكُونْ الزّْرُورَاتْ
وَلْدْ لَوْزِيرْ فْشُوشْ
وَحْنَا عَايْشِينْ فْ التُّوشْ
مَسْكِينَة هَاذْ لَبْلاَدْ
عَايْشَة وَسْطْ لَخْوَاضْ
جَاوْبُونِي يَا وْلاَدْ
وَاشْ هَكْذَا نْحَارْبُو لَفْسَادْ ؟